إلى كل من أحببتهم حقيقة إلى اصدقائى المخلصين إلى من عرف اليأس الطريق إلى قلبه يوما ما

أهديه هذه الانشودة الرائعة للمنشد عمر الصعيدى

أنا سمعتها إمبارح وعجبتنى جداااااااااااااااااااااااااااا فقلت لازم أوريها لكل حبايبى اللى هنا واللى بره

وخلصـــــــــــــــــــــــــــــــــت الاجازة

الحمد للـــــــــــــــــــــــــــــــــــــــــــــــــــــه خلصت الاجازة ويارب مترجع تانى أنا عارفة انى هضرب دلوقتى بس الاجازة دى كانت من أكتر الاجازات كابة وضيق كانت وحشة قوى وكانت كلها احباط ويأس بدأت بالحرب على غزة والهوان اللى لاقينا نفسنا فيه بس فرحنا بنصر الله للمقاومة واهل غزة وبعدها على طول جدى تعب جدااااااااااااااااااااااااااااااااااااااااااا وبدأت حالة الطوارئ فى البيت وقبل كل ده إعلان معسكر التنضيف فى البيت وماما ما بتصدق انى اخلص هو انا بصراحة كنت مكبرة دماغى عالاخر فى اول الموضوع بس لما لقيت الحمل تقل عليها قوى قلت اخلى عندى شوية والحمد لله كنت عاملة معسكر فى البيت طول الاجازة وبعد كل ده ختمت ان سمورة حبيبتى وأختى وصديقتى الغالية عملت عملية الزايدة وكنت مضايقة طبعا لانى مش عارفة اروح لها بسبب المعسكر اللى عندنا يعنى كانت اجازة زى العسل وقررت انى انعزل عن العالم كله الا طبعا البيت ده حبيب قلبى واهى جت الدراسة تانى واصحابى هيسافروا تانى واكلمهم واقولهم وحشتونى قوى من قبل ما تمشوا ادعولى كتيييييييييييييييييييييييييييييييييييييييييييييير وادعو ان ربنا يتم شفاء سمورة وجدى قريب

(أتمنى من ربنا ان الاجازة تكون عندى انا بس كده وكل الناس تكون اجازاتهم حلوة وجميلة ويكونوا خدوا منها دفعة جامدة لبدء حياة أفضل )

(ومتزعلوش منى انى منكدة عليكم كده بس انا كنت بفضفض مع البحر ومع اخويا ودلوقتى اخويا مش هنا ومش عارفة اروح للبحر ومش لاقية غير مملكتى الخاصة وانتوا بقى اللى بتدخلوا يعنى الغلط منكم )

لم أعد أتذوق طعم الحياة

صبرا ....................حبيبتى

عذرا لكى حبيبتى سامحينى على تقصيرى معك لم أجد من الكلام ما يعبر عما بداخلى ولم أكن أعرف كيف أهنيكى على شهدائك الذين استشهدوا فى سبيل الله أم أهنيكى على نصرك العظيم فآثرت الصمت حاولت أن أصرخ لأجلك ولو قليلا ولكن لجام الصمت أطبق بشدة مرة أخرى على فمى فما استطعت التحدث فسامحينى ...لا أدرى ما عذرى أمام الله حتى يسامحنى ويغفر لى خطاياى ....اصبرى واحتسبى واعلمى ان خلفك رجالا ونساءا اقوى من الرجال وعقيدة أرسخ من الجبال وغيرهم لا يملكون سوى الدعاء لكى فيظلون رافعى ايديهم الى السماء لأجلك .

إبقى مرفوعة الرأس واصمدى

(عذرا لم استطع وضع صور من هذه المجزرة لأننى لم اقدر على مشاهدتها كلها لما فيها من شعور بالعجز والخزى أمام هؤلاء الابطال اطفالا ورجالا ونساء الذين ضحوا بأرواحهم فداء للوطن والاسلام)

جانا العيد اهو جانا العيد

جانا العيد بروحه وحلاوته وجماله وضحك الاطفال والعيدية وكل حاجة فى الدنيا حلوة العيد عامل زى البريك بين حاجات كتير فى حياتك حاجات جرحتك وكسرتك وحاجات فرحتك وخدت منها امل فى الحياة .الحاجة الوحيدة الحلوة فى العيد ده اللى حصلتلى ان دكتورتى وحبيبتى عاشقة الاقصى جت تعدى عليا زى كل عيد وروحنا مع بعض بس بعد كده كل حاجة مكنتش حلوة يمكن عشان حالة الاكتئاب اللى انا فيها انا مش عارفة افرح لان بابا وماما باذن الله راجعين خلاص وهفرح بوجودهم جنبى لانى كنت مفتقداهم قوى ولا ازعل عشان فى ناس مسافرة وهتبعد عنى ومعرفش لفترة معينة ولا للابد الناس دى كنت بحس انهم معايا فى كل مكان بس دلوقتى اعمل ايه بجد لو حد عنده حل يقولى انك تحس ان روحك تسلب منك ومش عارف هترجعلك ولا هتمشى بلا رجعة وكمان الامتحانات بقى قربت يعنى كله داخل فى كله ادعولى كتــــــــــــــــــــــــــــــــــــــــــــــــــــــــــــــــــير .وبرده العيد فرحة وكل سنة وانتم طيبين وفى سعادة

العيد وروحى التائهة

الحمد لله ذى العزة والكبرياءصاحب الفضل علينا وعلى الكون باجمعه ان جعلنا من المسلمين ونرجو منه ان يعفو عنا جميعا ويجعلنا فى رحابه وظله يوم القيامة.

ها قد حل علينا بنسماته الجديدة فقد رحمنا الله عز وجل اذ جعل موسما يذهب ومواسم تعود لكى نتزود بالطاعةونرفع ايدينا الى الله عز وجل لنقول لله تعالى ها نحن قد اتينا الى بابك ثانية نرجو عطفك وحنانك وحلمك علينا فسوف نستقبل غدا باذن الله العشر من ذى الحجة وما من ايام افضل عند الله من هذه الايام اذ لايساوى اى عمل صالح عمل حتى لو كان الجهاد فى سبيل الله الا رجلا خرج مجاهدا بنفسه وماله ولم يعد بشئ فاذكر نفسى واياكم يالتزود يالطاعة ومن يستطع صيام التسع الاوائل وقراءة القران وختمه والمداومة على الصلاة فى اوقاتها وقيام الليل. ومع كل هذا الحب والعشق لله عز وجل والتقرب اليه بكل الطرق لاننسى شيئا مهما ان نتذكر فى دعائنا كل يوم وكل لحظة اخواننا فى فلسطين عامة وغزة (حبى وروحى التائهة وحياتى)خاصة من الدعاء بان يفك الله اسرهم وان ينصرهم على اعدائهم وان يلهم اهل الشهداء الصبر فوق صبرهم وان ياتى علينا وعليهم العيد وهم منصورين ورافعى الراس ونحن معهم رافعى رؤسنا بعدما انتكست كثيرا وتوارت تحت التراب........................................

وكل عام وانتم الى الله اقرب وعلى طاعته ادوم ومن الجنة اقرب

ارفعوا الاعلام يا ولاد

ألـــــــــــــــــــــــــــــــــــــــــــــــــــــــــــــــــــــــــــــــــف مليون مبروك شوفو اللى حصل عندنا يا ناس الحمد لله واخيرا وبفضل الله خرج الدكتور ممدوح المنيراللى اعتقل بعد مظاهرات المحلة أنا فرحانة جدا لان الانسان ده كنت لما بشوفه واشوف ملامحه بجد بحس ان لسه فى خير فى شباب الامة وان فى ناس كتير مستعدة تضحى بكل غالى ونفيس فى سبيل دينها ومبادئها والمفروض بقى انه يعزمنا كلنا بعد الخروجة دى بس بشرط كل واحد يبقى متنكر وكل واحد ياخد باله من قفاه عشان حبايبنا كتير

اللهم اعلى كلمة الدين والحق وانصرنا على اعداءنا