امبارح كان عمرها عشرين

عيد ميلادها يعنى عيد ميلادى فرحتها يعنى فرحتى وحزنها يعنى حزنى هى حبى وحياتى هى اجمل بنوتة هو مش امبارح هو عيد ميلادها بعد يومين يوم 20 هيكون عندها 20 سنة بس انا كتبت النهارده لان عشان الظروف اللى عندنا ممكن اكون مشغولة يومها وهتكون عروسة زى القمر وان شاء الله خطوبتها يوم 20\20\2020 لازم تيجوا
انا عملت كام تورتة مش حلوين قوى ومش من مقامها لان هى تستاهل اكتر من كده

دى بتاعها هى لوحدها

ودى هدية صغيرة

ودول بتاع المعازيم وطبعا كل واحد يجيب هديته معاه

كل سنة وانتى طيبة وعقبال مليون سنة والسنة الجاية تكون احسن من السنة دى بكتيير وان شاء الله ربنا يفرج همك وكربك ويكون فى ميزان حسناتك وشكرا لماما بتاع انتى لانها جابت اجمل دكتورة فى الدنيا

ايه ده انا هيست ونسيت كالعادة ده عيد ميلاد اختى وحبيبتى وصديقة عمرى دكتورة لولو صاحبة مدونة
عاشقة الاقصى http://drdareenofislam.blogspot.com وبقولها يارب عمرك كله يكون طاعة وعبادة ويرزقك الزوج الصالح اللى يحقق لك اللى بتتمنيه واهم حاجة يجيبلك موز وسودانى وده يا جماعة مش عشان حاجة هى بتحبهم قوى بس متاكلوش منه كتير طبعا انتى فهمانى ويارب فى سنة2021 تكونوا جيبتوا دارين وادم وتكونوا اجمل عيلة واحسن بيت بس عشان خاطرى متتعصبوش ع العيال وتخلوهم عقد سيبوا العيال فى حالهم
وربنا يجمعنا كلنا فى شارع واحد

وان شاء الله نكون فى الجنة فى الفردوس الاعلى
كل سنة وانتى طيبة يا احلى بنوتة

بــــــــــــــــحبـــــــــك يا لؤلؤة

هتوحشونى

ازيكم كلكم وحشتونى قوى معلش مش عارفة ادخل عند حبايبى واقرا مواضيعهم الجميلة بس فى ظروف كتير ملخبطة عندنا

انا هغيب شوية بس مش عارفة شوية كتير ولا صغيرين

ادعو لاخويا تعبان قوى واخويا عندى هو حياتى وان يكون تعبه والامه فى ميزان حسناته

كنت هبقى حاسة ان الظروف اللى عندنا احسن شوية لو فى ناس معايا الناس دى لو بنظرة من عنيها كانت هتشيل عنى هموم الدنيا كلها بس هى فييييييييييييييييييييييييييييييييييييييييييييييييييييييييييييييييييييييييييييييييييييييييييييييين الناس دى

وحشونى هما كمان وادعيلهم لانهم غاليين عندى قوى

هتوحشونى كتير

سلالالالالالالالالالالالالالالالالالالالالالالالالالالالالالالالالالالام

ادعووووووووووووووووووووووووووووووووولى كتير

لأنه ولــــــــــــــــــــــــــــــــــــــــــــد

بجد أنا زهقت من الكلمة دى قوى يعنى ايه يعنى ولد يعنى مثلا لو مكتوبله حاجة مش هتحصل لانه ولد او راجل

لما بتكلم فى الموضوع ده لازم اخد قاموس تهزيق الاول وبعد كده الكلمة المعتادة ده ولد

ليه الولد بس من حقه يعمل اى حاجة هو عايزها من حقه لما يكون مضايق ومخنوق يقوم لابس وبسرعة خارج ويروح المكان اللى هو عايزه ويرجع وقت ما هو عايز مع ان احنا ممكن نكون بنغلى ونهرى فى نفسنا بس ما ينفعش نقول نخرج دى او نقعد لوحدنا حتى ده لاننا بنات وبنستحمل عنهم اكتر لحد ما جلنا الضغط والحمد لله من حقه انه يسهر وينام فى الوقت اللى يحبه ويقوم برده فى الوقت اللى يحبه لكن احنا فى قوانين محطوطة لينا نقوم فى معاد وننام فى معاد لا وايه لو قالى حاجة تتعمل بالحرف الواحد وعيب انى اقول للولد لا لانه راجل ومن حقه يشيل موبايل لكن انا لا عييييييييييب ده انا بنت ومن حقه انه يقعد لوحده لكن انا لو قعدت فين لازم الاقى الشعب وراى ليه من حقه حاجات كتير غيراللى قولت عليه واحنا لا

انا مش بقول كده عشان نعمل انقلاب ولا اعتصام ولا بقول كده انى اعمل اللى انا عايزاه وامشى براحتى لأ بس نفسى احس ولو لمرة انى بمارس حقوقى العادية

ليه كل حاجة مسموحة ليه واحنا لأ

نفسى اجيب بنات وولاد زى القمر واربى الولاد انهم يكونو من الابطال الحقيقين مش كلام بس خايفة اطلع العقد اللى فيا عليهم وبدعى ربنا انى مجبش ولاد مع انى بحب الولاد جدا

خايفة من حاجات كتير من الى بيحصلى فى حاجات كتير بس نفسى برده اعمل حاجات كتير

كل ما بتكلم فى الموضوع ده مع اى حد من اللى اتجوزوا الاقى نفس الكلمة لانه ولد افضل ساكتة كالعادة طب يا ناس واحنا فين

الا انا صح ولا غلط

حد فاهم حاجة انا مش فاهمة اى حاجة

سلالالالالالالالالالالالالالالام

إلى كل من أحببتهم حقيقة إلى اصدقائى المخلصين إلى من عرف اليأس الطريق إلى قلبه يوما ما

أهديه هذه الانشودة الرائعة للمنشد عمر الصعيدى

أنا سمعتها إمبارح وعجبتنى جداااااااااااااااااااااااااااا فقلت لازم أوريها لكل حبايبى اللى هنا واللى بره

وخلصـــــــــــــــــــــــــــــــــت الاجازة

الحمد للـــــــــــــــــــــــــــــــــــــــــــــــــــــه خلصت الاجازة ويارب مترجع تانى أنا عارفة انى هضرب دلوقتى بس الاجازة دى كانت من أكتر الاجازات كابة وضيق كانت وحشة قوى وكانت كلها احباط ويأس بدأت بالحرب على غزة والهوان اللى لاقينا نفسنا فيه بس فرحنا بنصر الله للمقاومة واهل غزة وبعدها على طول جدى تعب جدااااااااااااااااااااااااااااااااااااااااااا وبدأت حالة الطوارئ فى البيت وقبل كل ده إعلان معسكر التنضيف فى البيت وماما ما بتصدق انى اخلص هو انا بصراحة كنت مكبرة دماغى عالاخر فى اول الموضوع بس لما لقيت الحمل تقل عليها قوى قلت اخلى عندى شوية والحمد لله كنت عاملة معسكر فى البيت طول الاجازة وبعد كل ده ختمت ان سمورة حبيبتى وأختى وصديقتى الغالية عملت عملية الزايدة وكنت مضايقة طبعا لانى مش عارفة اروح لها بسبب المعسكر اللى عندنا يعنى كانت اجازة زى العسل وقررت انى انعزل عن العالم كله الا طبعا البيت ده حبيب قلبى واهى جت الدراسة تانى واصحابى هيسافروا تانى واكلمهم واقولهم وحشتونى قوى من قبل ما تمشوا ادعولى كتيييييييييييييييييييييييييييييييييييييييييييييير وادعو ان ربنا يتم شفاء سمورة وجدى قريب

(أتمنى من ربنا ان الاجازة تكون عندى انا بس كده وكل الناس تكون اجازاتهم حلوة وجميلة ويكونوا خدوا منها دفعة جامدة لبدء حياة أفضل )

(ومتزعلوش منى انى منكدة عليكم كده بس انا كنت بفضفض مع البحر ومع اخويا ودلوقتى اخويا مش هنا ومش عارفة اروح للبحر ومش لاقية غير مملكتى الخاصة وانتوا بقى اللى بتدخلوا يعنى الغلط منكم )

لم أعد أتذوق طعم الحياة

صبرا ....................حبيبتى

عذرا لكى حبيبتى سامحينى على تقصيرى معك لم أجد من الكلام ما يعبر عما بداخلى ولم أكن أعرف كيف أهنيكى على شهدائك الذين استشهدوا فى سبيل الله أم أهنيكى على نصرك العظيم فآثرت الصمت حاولت أن أصرخ لأجلك ولو قليلا ولكن لجام الصمت أطبق بشدة مرة أخرى على فمى فما استطعت التحدث فسامحينى ...لا أدرى ما عذرى أمام الله حتى يسامحنى ويغفر لى خطاياى ....اصبرى واحتسبى واعلمى ان خلفك رجالا ونساءا اقوى من الرجال وعقيدة أرسخ من الجبال وغيرهم لا يملكون سوى الدعاء لكى فيظلون رافعى ايديهم الى السماء لأجلك .

إبقى مرفوعة الرأس واصمدى

(عذرا لم استطع وضع صور من هذه المجزرة لأننى لم اقدر على مشاهدتها كلها لما فيها من شعور بالعجز والخزى أمام هؤلاء الابطال اطفالا ورجالا ونساء الذين ضحوا بأرواحهم فداء للوطن والاسلام)